Донација на компјутери и компјутерска опрема

Одборот за организација на прославата по повод 50 години ООУ„Јохан Хајнрих Песталоци“ донираше седум компјутери и друга ИТ опрема за потребите на Училиштето.

Овој, за нас мошне важен гест на донација е потврда за трајната врска на поранешните генерации ученици со Училиштето која продолжува и прераснува во квалитетна соработка. 

На овој начин, во свое име, и во име на сите наставници, ученици и родители сакам да ја искажам нашата благодарност до Одборот за организација на прославата по повод 50 години „Песталоци“ за несебичната поддршка и помош. 

Почитувани,

Со Вашата донација ни овозможивте да создадеме подобри услови за работа со цел успешно пренесување на знаењата до учениците. Вие ни помогнавте полесно да се справиме со предизвиците на онлјан наставата и учењето на далечина. Благодарение на Вас ние сме уште помотивирани да работиме професионално и со многу љубов кон учениците да ја продолжиме нашата учителска дејност. Горди сме бидејќи сме заедно, ние сме ООУ„Јохан Хајнрих Песталоци“ – Скопје.

                                                                                                                           Директор

                                                                                                                           Катерина Атанасова