СООПШТЕНИЕ ЗА ПРИЕМ НА ПРВАЧИЊАТА ВО УЧЕБНАТА 2024/2025 ГОДИНА2024-08-27 10:38:18прочитајте повеќе  ИЗВЕШТАЈ ОД ИЗВРШЕНАТА САМОЕВАЛУАЦИЈА ООУ „Јохан Хајнрих Песталоци“2023-09-25 12:02:27прочитајте повеќе СООПШТЕНИЕ ЗА ПРИЕМ НА ПРВАЧИЊАТА2023-08-28 10:16:26Драги првачиња, почитувани родители, Основното општинско училиште „Јохан Хајнрих Песталоци“ – Скопје ве известува дека на 1 септември ќе организира свечен прием на првачињата во учебната 2023/2024 година. Приемот ќе започне во 10:00 часот и ќе се одвива во свечената сала на Училиштето. Наставничкиот колегиум на Училиштето со нетрпение ве очекува и ви посакува среќен почеток на новата животна патека, исполнета со другарување, авантури и усвојување нови знаења и животни вештини. Директор, Катерина Атанасовапрочитајте повеќе   Студенти од Архитектонскиот факултет - за „Песталоци“2022-10-03 20:18:46„Песталоци“ не е само училиште. „Песталоци“ е втор дом и место за дружба и рекреација на многумина. Група поранешни ученици, родители и ентузијасти пред неколку години почнаа да организираат активности со цел да го разубават и да го направат попристапен училишниот двор. Целта на ваквите активности е секој, во рамките на своите знаења, можности и афинитети, да придонесе кон развивање пријателска и функционална урбана средина. Водени од мотото „Не што може да направи училиштето за мене, туку што јас можам да направам за него“, студентите од IV и од VI семестар на Архитектонскиот факултет при универзитетот „Св Кирил и Методиј“ заедно со проф. д-р Дивна Пенчиќ, веќе ги почнаа активностите во рамки на предметот Одржлив урбан развој. Во текот на вчерашниот ден во нашето училиште никнаа неколку креативни решенија, кои му вдахнаа нов дух и свежина на просторот. Нивните активности продолжуваат, а ние со радост ќе ги споделуваме сите активности и резултатите што ќе произлезат од оваа соработка.прочитајте повеќе  Посета на Меморијалниот центар на холокаустот на Евреите од Македонија2022-09-24 20:01:27На 23 септември, група ученици, заедно со наставниците Бранка Димевска Коцева и Александар Чавкароскии, го посетија Меморијалниот центар на холокаустот на Евреите од Македонија, во рамки на Европските денови на културното наследство. Учениците ја разгледаа постојаната поставка заедно со Жаклина Мучева и научија повеќе за животот на Евреите, нивното културно материјално и нематеријално наследство, слушнаа историски факти за депортацијата на македонските Евреите и возобновувањето на Еврејската заедница. Научија нови термини: Тора, синагога, менора, ладино јазик, сефардски поговорки, но го видоа и најзначајниот артефакт во Меморијалниот центар. Сето ова беше добра основа за размисли, дискусија и инспирација за реализација на работилницата „Истражуваме, создаваме и културното наследство го чуваме“. Под менторство на нивните наставници и тимот од Меморијалниот центар, Лилјана Лазаревска, Маја Јаневска Илиева, Дарко Хелман и Сашо Андоновски ги создадоа своите уметнички творби инспирирани од поставката која ја посетија. Работеа во четири техники и изработија прекрасни уметнички дела. Изработките се изложени во приземниот дел на Меморијалниот центар и сите посетители ќе можат да ја погледнат изложбата до 28 септември додека трае манифестацијата Европски денови на културно наследство. Уметничките трудови потоа ќе бидат сочувани во депото на центарот заедно со сите други изработки на нашите соработници. прочитајте повеќе  Годишна програма за работа на училиштето за учебна 2022/23 година2022-09-12 16:43:19прочитајте повеќе  Среќен почеток на новата, 2022/2023 учебна година2022-09-01 18:13:171 септември - најубавиот, највеселиот и најголемиот ден во секое училиште. Насмеани лица, прегратки и по некоја солза радосница. Ваква беше атмосферата денеска во ООУ „Јохан Хајнрих Песталоци“. Наставниците и учениците од повисоките одделенија срдечно ги пречекаа првачињата и им посакаа среќен почеток на најубавата и највозбудлива патека во животот - патеката на образованието. Овој мал чекор што го направија денеска, кога за првпат зачекорија во своите училници, нека биде голем чекор во нивниот раст и развој во добри, хумани, образовани и одговорни личности. Директорката на Училиштето, г-ѓа Катерина Атанасова, ги поздрави учениците и им порача да бидат вредни и упорни, да подадат рака за помош и поддршка секогаш кога е потребно, да ги ценат и негуваат другарствата што се раѓаат во училниците затоа што се силни, искрени и можат да траат цел живот. На крајот, од сите важни петки, најважна е онаа од другарството. Среќна и успешна учебна година на сите ученици! прочитајте повеќе  Соопштение за прием на првачињата во учебната 2022/2023 година2022-08-29 20:16:24прочитајте повеќе  Патронен празник на училиштето2022-06-06 14:30:45Патронен празник на училиштето Денеска е голем ден за „Песталоци“, денеска го прославуваме нашиот патронен празник! Им благодариме на сите гости што беа дел од прославата и што придонесоа овој настан да се памети. Упатуваме огромна благодарност до Сава пензиско друштво кои со својата донација ја опремија сензорната соба во училиштето, каде што на учениците со атипичен развој ќе им биде олеснета инклузијата во воспитно-образовниот процес. Насмеани лица, песни и танци, актерска игра, прегратки и - среќа! А среќата се множи само кога се споделува. Затоа споделуваме со вас дел од атмосферата од нашата прослава - за да биде среќа насекаде околу нас!прочитајте повеќе   Регионалниот натпревар по природни науки2022-04-11 12:14:47На 2.4. се одржа Регионалниот натпревар по природни науки на кој учествуваа ученици од петто и шесто одделение и ги постигнаа следниве резултати: VI одделение: Марко Ефтимов: I награда и пласман на Државниот натпревар Марко Бабуновски: II награда и пласман на Државниот натпревар Михаил Прентоски: II награда и пласман на Државниот натпревар Матијас Момчиловиќ: III награда Максим Танески: III награда Андрија Крстиќ: III награда V одделение: Славен Блажевски: I награда и пласман на Државниот натпревар Ања Левеска: II награда и пласман на Државниот натпревар Мила Коруноски: II награда и пласман на Државниот натпревар Михаела Трајковска: III награда Стефанија Трајчевска: III награда Тихомир Деловски: III награда Честитки на сите ученици и многу среќа на Државниот натпревар во мај, кој ќе се одржи на Природно-математичкиот факултет во Скопје.прочитајте повеќе Регионалниот натпревар по физика2022-04-11 12:12:36На 2.4.2022 година се одржа Регионалниот натпревар по физика на кој учествуваа и ученици од нашето училиште. Им честитаме на младите физичари за постигнатите резултати и им посакуваме среќа на Државниот натпревар. VIII одделение Сара Кнежевиќ VIII-2 одд. - I награда Виктор Јакимов VIII-2 одд. - II награда Марко Балоски VIII-2 одд. - пофалница Небојша Цветковиќ VIII-1 одд. – пофалница IX одделение Aнастасија Митревска IX-2 одд. - пофалница Деа Деспотовска IX-3 одд. - пласман за учество на Државен натпревар по физикапрочитајте повеќе Покана за донаторска акција2022-04-06 14:34:43Почитувани (драги) родители, Во пресрет на 23 април, Светскиот ден на книгата, сакаме да ги отвориме ширум прозорците на светот на книгите и да им всадиме непресушна жед за нови знаења на нашите ученици. Училишната библиотека со радост ги пречекува учениците и ги споделува со нив своите богатства. Секојдневно излегуваат од печат нови наслови, а учениците сакаат да ги следат новостите во издавачката дејност за деца и младинци. За да ги исполниме очекувањата и потребите на учениците, потребно е да ја освежиме и збогатиме училишната библиотека. За таа цел организираме донаторска акција на книги и лектирни изданија. Секоја книга подарена со љубов - со љубов ќе се чита и љубов ќе шири. Ве покануваме и Вас да земете учество во акцијата и заеднички да го прошириме кругот на вљубеници во книгите. Книгите може да се донираат секој понеделник, за време на одделенскиот час, во периодот од 4 до 25 април. Во прилог Ви доставуваме список на лектирни изданија со кои би сакале да го збогатиме библиотечниот фонд на училиштето. Искрена благодарност за Вашето учество во акцијата, Со почитпрочитајте повеќе РЕГИОНАЛЕН НАТПРЕВАР МАТЕМАТИКА2022-04-06 14:08:03Се одржа регионалниот натпревар по математика. Посебно горди не направија:прочитајте повеќе Општински натпревар по биологија и природни науки2022-02-14 12:20:47Известување за постигнатите резултати од учеството на Општинскиот натпревар по биологија за учениците од основното образование кој се одржа на 09.02.2022 година.прочитајте повеќе  „Песталоци“ оди на Јеил2021-12-20 13:57:59Од 13.-17. Декември 2021 година, во Дубаи, Обединетите Арапски Емирати се одржа глобалниот натпреварот во дебатирање и општи знења “World Scolar’s Cup”.прочитајте повеќе  Донација на преносни компјутери од Шпаркасе Лизинг ДОО Скопје2021-11-01 12:21:27„Добрината не се раѓа од големината, туку големината од добрината.“ Благодарноста, дарежливоста и постојаната поддршка се одлика на големите луѓе. Нашето училиште е симбол на солидарност и грижа за најмалите во општеството. Шпаркасе Лизинг ДОО Скопје, како општествено одговорна компанија, се грижи за подобрување на условите за работа во училиштата. За таа цел Шпаркасе Лизинг ДОО Скопје, застапувана од извршниот директор Марјан Манчев донираше четири преносни компјутери на Училиштето. прочитајте повеќе Годишна програма за работа на училиштето во учебната 2021/22 година2021-09-06 10:28:34прочитајте повеќе Информации за родители, Протокол и план за одржување на наставата2021-09-06 10:19:17прочитајте повеќе Критериуми за избор на првенец на генерација и пофалени ученици2021-05-12 10:49:28Согласно Правилникот за избор на првенец на генерација и пофалени ученици, донесен на Наставнички совет на ден 7. V 2021 година, ООУ „Јохан Хајнрих Песталоци“, Скопје ги објавува Критериумите за избор на првенец на генерација и пофалени ученици.прочитајте повеќе   Нашето „PASCH“ училиште е долгогодишен партнер на Гете Институт Скопје2020-11-24 11:45:20Иницијативата „Училишта: Партнери на иднината“ (PASCH) поврзува мрежа од повеќе од 2.000 училишта ширум светот со особена врска со Германија. Гете-институт поддржува околу 600 партнерски училишта во рамки на националните образовни системи во преку 100 земји.прочитајте повеќе  Донација на компјутери и компјутерска опрема2020-10-22 08:39:00„Сите возрасни прво биле деца, но малку од нив се сеќаваат на тоа.” - „Малиот Принц“ Благодарноста, дарежливоста и добрината се доблест на големите луѓе. Нашето училиште е симбол на солидарноста, заедништвото, другарувањето. Горди сме на нашите генерации наставници и заедничката петдецениска воспитно-образовна работа. Се гордееме со нашите ученици, поранешни и сегашни. Сите успешни, горди зашто се дел од големото семејство „Песталоци“. Денес сме бескрајно среќни и благодарни. прочитајте повеќе Информација за родителите за почетокот на учебната 2020/21 година2020-09-15 21:49:35Драги родители, Се надевам дека Вие и Вашето семејство сте во добро здравје. Ви благодариме за Вашата трпеливост додека ги финализираме деталите за претстојната учебна година. Работевме на екипирање и подготвување на училиштето за враќање на учениците. Со нетрпение очекуваме да им посакаме добредојде на учениците, при тоа грижејќи се да ги преземеме сите мерки за нивна заштита. За таа цел, училиштето нема да биде исто како во минатото. Сите заедно треба да се вложиме и да придонесеме секој ученик да е заштитен што е можно подобро. Вработените во училиштето ќе носат постојано маски, исто како и учениците. Учениците ќе бидат потсетувани физички да се дистанцираат од другите, да ги дезинфицираат рацете и обувките кога влегуваат во училишната зграда и да ги мијат и дезинфицираат рацете пред и по јадење. Средство за дезинфекција на рацете ќе биде достапно на секој влез и во секоја училница. Учениците нема да имаат можност да ги оставаат личните работи во шкафчињата како до сега. Учениците мора да влезат и да излезат од зградата користејќи ги назначените насоки (видете „Организација на протокот на ученици, наставници и други лица“) и да застанат да им се измери телесната температура. прочитајте повеќе БОНТОН за учење на далечина2020-09-15 09:57:37Корисни информации за учење на далечинапрочитајте повеќе Реонизација2020-05-10 15:37:10Рамката на Општинското основно училиште „Ј.Х.Песталоци“ е креирана од следните гранични улици:прочитајте повеќе ИЗВЕСТУВАЊЕ ЗА ЗАПИШУВАЊЕ НА УЧЕНИЦИ ВО ПРВО ОДДЕЛЕНИЕ ВО УЧЕБНАТА 2020/2021 ГОД.2020-05-10 15:17:40Почитувани, Ве известуваме дека Пријавата за упис на првачиња ја пополнувате електронски. Ве молиме податоците во пријавата да бидат веродостојни. Ќе добиете известување за прием на пријавата и закажување на термин за упис. Формата за запишувањето на ученици во прво одделенеие во ООУ „Јохан Хајнрих Песталоци“ - Центар, Скопје за учебната 2020/2021 год. ќе ја најдете на линкот подолу. Стоматолошката амбуланта во Училиштето е отворена секој работен ден од 8:00 до 14: 00 часот.прочитајте повеќе |
Корисни линкови
|
Сите права се задржани Општинско Основно Училиште „Јохан Хајнрих Песталоци“ - Скопје.
Изработено од Бест Нет Студио